„Јакнење на придонесот и ефикасноста на граѓанските организации од женското претприемништво кон ЕУ интегративните реформи во областа на економската политика" WE-Contribute

Јакнење на придонесот и ефикасноста на граѓанските организации од женското претприемништво кон ЕУ интегративните реформи во областа на економската политика" WE-Contribute

Повик за Бизнис ментори за “Камп на иновации” – натпревар на средношколци во претприемачки вештини

Џуниор Ачивмент Македонија организира “Камп на иновации” – натпревар на средношколци во претприемачки вештини кој ќе се одржи на 26ти ноември 2019 година, (вторник), во амфитеатарот на Универзитетот за Туризам и Менаџмент во Скопје со почеток во 09:00 часот.

Кампот на иновации е еднодневен настан на кој учениците од средните училишта во Македонија работат во тимови за да најдат решение за поставениот бизнис предизвик. Тие ќе имаат пристап до интернет и ќе го искористат своето знаење, применувајќи “претприемнички” вештини и тимска работа за да најдат иновативни одговори за предизвикот.

Во  “Камп на иновации”  се повикуваат сите заинтересирани претприемачи да  учествуваат волонтерски како Бизнис ментори споделувајќи го своето релевантно искуство и експертиза. Улогата на Бизнис менторот е да дава совети на учениците поврзани со поставениот предизвик. Учениците може да го консултираат за технички прашања, маркетинг, финансии, или други концептуални поенти на нивните идеи.

Џуниор Ачивмент Македонија (Junior Achievement Macedonia) e член на глобалната мрежа на Светската организација Џуниор Ачивмент (Junior Achievement Worldwide) и дел од регионалниот центар во Европа – JA Europe. Овој настан се организира по трет пат и  од октомври 2017 до сега одржани се 3 натпревари кои вклучуваат 349 ученици од 28 средни училишта, и повеќе од 50 бизнис советници за време на натпреварот. Се очекува на настанот да земат учество претставници од Министерства, Невладини организации, УСАИД и бизнис секторот.

Пријавувањето за Бизнис ментори е на следната мејл адреса: ljupka@jamacedonia.mk