• Мека галванизирана жица: дијаметар 3.5 – 5 мм
• Цврста галванизирана жица: дијаметар 1.8 – 3 мм
• Потребно месечно количество: 50 – 100 тона

Романска компанија лоцирана во Југо-источна Романија и една од најзначајните произведувачи и преработувачи на мед која произведува, пакува и дистрибуира различни видови на мед, бара добавувачи или директни произведувачи на мед.
Бараниот партнер треба да има знаење за пазарот за мед и да се добавувачи/ произведувачи на канти мед кои сакаат долгорочна соработка во рамките на договор за услуги за дистрибуција. Медот мора да биде природен, без антибиотици, презервативи и генетски модифицирани организми, според сите стандарди на Европската Унија.

Грчка консултантска фирма лоцирана на Пелопонез која работи со маслинки и произведувачи на маслиново масло бара напредни решенија за сите фази од процесот на производство на маслиново масло- одгледување, процесирање, пакување и продажба на маслинки и маслиново масло кои можат да се прилагодат на локалните потреби. Бараните решенија треба да се ефективни, лесни за употреба и подготвени за имплементација во индустријата.
Понатаму, фирмата е заинтересирана за технолошки решенија кои се однесуваат на прашањето за валоризација на отпадот по процесот на производство на маслиновото масло. Предложените решенија треба да бидат веќе достапни или блиску до пазарот и во можност за приспособување кон потребите на локалните компании и видот на маслинови дрва во локалниот екосистем. Исто, понудени решенија треба да донесат некои иновативни карактеристики кои ќе овозможат предност пред конкурентите, подобрено производство и минимизација на трошоците.

Компанија од Трансилванија која е специјализарана во рачно производство на кожени производи: новчаници, тетратки, торби и кутии за очила е заинтересирана  за интернационално проширување на својата бизнис мрежа на добавувачи на високо – квалитетна кожа.
Бараниот интернационален партнер треба да ја снабдува компанијата со следните видови на веќе процесирана, квалитетна кожа: Suede, box и vegetable tanned, во различни бои – тиркизна, жолта, сина, црвена, кафена, со дебелина од 1 до 2 мм. Заинтересираните партнери треба да се во можност да достават и каталог до компанијата од Романија а  деталите, квалитетот и бараните количини ќе бидат дополнително регулирани преку договор за дистрибуција.

Компанија од Романија развива дневна крема за лице базирана на уникатна формула која вклучува 4 различни состојки: 24-каратно злато, хијалуронска киселина, колаген и витамини Ц, А и Е и е соодветна за сите видови на кожа. Производот доаѓа во пакување од 50 мл и е регистриран, одобрен  и сертифициран од Националниот истражувачки институт.
Компанијата бара партнери- снабдувачи/произведувачи од фармацевтската индустрија или велнес секторот кои можат да понудат опции за пакување и етикетирање на линијата на креми за лице. Се очекува партнерите да достават квалитетен производ, да ги почитуваат роковите и да понудат дизајнирани решенија за пакување и етикета.

Турска компанија со повеќе од 20 години искуство во областа нуди сурови и обоени 100% памучни предива од Ne 6 до Ne 60 – отворен крај, картонски, чешлани (компактни) со една или повеќе нишки. Каталогот на производи има 240 бои со можност за постигнување на нови бои во својата лабараторија, по потреба или желба на клиентот. Памучните предива може да се употребуваат во различни сектори.
Со цел проширување на базата на клиенти и на нови пазари, се бараат дистрибутери кои имаат веќе постоечко искуство во областа и интернационалната соработка.

Компанија од Унгарија специјализирана во производство на BioSystem мебел за спални соби, бази за кревети, душеци и производи од волна ги нуди своите производи и услуги како подизведувач во земјите од Европа. Исто така, компанијата е заинтересирана и за договор за производство.

Дел од асортиманот на производи кои компанијата ги нуди се состои од бази за кревети, BioSystem  душеци, мебел за спални соби од природни материјали како бамбус, борова шума, буково дрво и волнени производи како ќебиња, под-ќебиња и перници.

Со цел проширување на активностите , компанијата бара соработка на краток, среден или долг рок во рамките на подизведувачки или производствен договор во Европа. Потенцијалниот партнер треба да биде од индустријата за мебел, да има формирана база на клиенти и да користи систем за обезбедување на квалитетот.

Динамична и модерна компанија од Бугарија, специјализирана во производство на високо-квалитетен конзервиран зеленчук и овошје бара интернационални партнери за соработка и проширување. Компанијата има долгогодишно искуство, големи производствени капацитети и ги исполнува модерните стандарди за квалитет. Понудениот асортиман вклучува доматна паста, лутеница, паштети, стерилизирани производи, џемови и сосови, подготвени од еколошки чисти и рачно селектирани суровини преку проверени, класични рецепти.

Бараните партнери за дистрибуција може да бидат ланци за храна, ланци на супермаркети, големи продавници и слично, кои ќе ја промовираат компанијата и ќе ги продаваат производите на ЕУ пазарите и пошироко.
Вториот вид на понудена соработка и партнерство е договор за долгорочно производство на нови производи кои партнерите би ги нарачувале од Бугарската компанија, регулирана преку производствен договор.

• компанија од областа на дистрибуцијата на медицинска дијагностика,
• постоечки систем за менаџмент на квалитет,
• искуство со ХПВ дијагностика и сексуално преносливи болести,
• поврзаност до научници/лидери од областа на медицината и образованието

• Оператори на службени возила кои сакаат да ги следат возилата од своите централни локации или преку мобилни апликации да ги предупредуваат возачите за неочекувани однесувања
• Општини кои имаат службени возила и сакаат да го следат однесувањето на возачите
• Останати  инженери, компании или истражувачки институти – за менаџмент на флота возила и визуелен менаџмент

Турска компанија од средна големина која работи на алатка за развој на софтвер за крајни корисници при што крајните корисници ќе немаат потреба од кодирање, формира конзорциум за аплицирање на повикот од  H2020- FTI програмата во мај 2019. За таа цел, се бараат партнери кои би сакале да ја имплементираат алатката во своите бизнис процеси за време на проектната фаза за тестирање и верифицирање.

Бараниот партнер не треба да биде софтверка компанија со оглед на фактот дека целта на алатката е луѓето кои не се програмери да можат да генерираат свој софтвер за подготовка на функции и активности како и да го модифицираат истиот според своите потреби, брзо и лесно. Производствени компании со повеќе од 100 вработени, од било кој сектор, кои имаат потреба од софтверски алатки се добредојдени да аплицираат.

Старт ап компанија лоцирана во Лондон развива социјална платформа која ќе им овозможи на професионалци од одредена област да се поврзат и да споделат информации. Целта е преку користење на вештачка интелигенција и машинско учење за централизација и оптимизација на системите да се намали недостатокот од персонал во здравствениот систем.

За таа цел се бараат софтверски програмери со UI/UX (User Interface/ User Experience Design) експертиза, професионалци од областа на вештачката интелигенција и машинско учење, академски институции и технолошки ентузијасти со релевантно искуство и експертиза за развој на професионална социјална платформа и комуникациски центар за управување со платформата. Воедно, соработката вклучува и подготовка на проектна апликација за добивање средства за финансиска поддршка за креирање и тестирање на системот преку Хоризонт 2020 програмата МСП Инструмент, фаза 2 со рок на достава 5 јуни 2019.

• Изработка на абажури: еден или повеќе занаетчии кои ќе работат со ратан, бамбус и други природни материјали. Моделите, формите, боите и величините ќе бидат дополнително регулирани на секоја нарачка;
• Изработка на прибор и сетови за храна: еден или повеќе занаетчии специјализирани во областа на ќерамиката и грнчарството за производство на чинии, длабоки садови и садови за салати.  За овие производи може да се користат светли или пастелни бои, со или без мотиви, со различни големини. Аглите не треба да бидат остри, производот не смее да има отпечатоци од прсти или воздушни меури и мора да го содржи логото на компанијата;
• Производите мора да се во согласност со правилата на Европската Унија за материјали во контакт со храна;
• За сите производи мора да се изнајдат и решенија за цврсто пакување;

• Техничка експертиза и искуство со FP6, FP7, IEE, CIP, OP, ALTENER, DEFRA, FCO и др;
• Брзи и точни решенија на клучни фази и задачи од проектот;
• Целосна одговорност кон резултати од проектот во согласност со предлог-проектот, програмата за финансирање и средствата на компанијата;
• Проектен менаџмент,  внимателно планирање и мониторинг на ресурси, рокови и резултати и евалуација;

• Outsourcing илои subcontracting договор
• Service agreement или друг тип на соработка може да бидат предмет на дискусија
• Дигитални маркетинг агенции/маркетинг ориентирани софтверски куќи/консултациски агенции за искуство на клиенти
• Можност за партнерство на истражувачко-развојни проекти

Компанија од северо-источна Германија со повеќе од 100 години искуство во индустријата за преработка на метал и производство на високо-квалитетни метални конструкции, производи од лим, алуминиум и нерѓосувачки челик бара партнер за соработка од регионот покриен од Enterprise Europe Network.

Со цел да се прошири интернационално, компанијата ги нуди своите услуги на соодветни- професионални партнери од истата индустрија со кои ќе може да се постигне договор за производство или subcontracting договор.

• Да бидат искусни истражувачи со доволна академска подготвеност во соодветната област (PhD или 4 години релевантно искуство во академска, истражувачка организација или индустрија) – без разлика на националност и возраст
• Да ги исполнуваат условите на стандардното правило за мобилност/флексибилното правило за мобилност на истражувачки персонал https://cocirc2.org.tr/eligibilityrequirements/

Израелска hi – tech компанија специјализирана во областа на малите електронски уреди за убавина и козметика развива, произведува и продава напредни естетски решенија за професионални и квалитетни третмани за убавина во комфорот на домот на клиентот.  Најновиот производ на компанијата е иновативен уред против стареење кој користи динамични RF бранови кои нежно навлегуваат во дермалните слоеви каде што се формираат колаген влакната. Во 2019 компанијата планира да развие и произведе wireless верзија на апаратот против стареење. За таа цел, се бараат партнери- претставници, агенти и дистрибутери кои ќе пронајдат локални клиенти за купување на производот- онлајн или во продавници. Партнерите исто така треба да имаат искуство или бидат вклучени во индустријата за мали електронски уреди и апарати за убавина користени во козметиката и да имаат познавање од локалниот пазар и клиентела.

Српска компанија нуди апарат за подобрена локализирана редукција на маснотии со користење на процесот на ултразвучна липострукција. Клучен иновативен аспект на апаратот е поврзаноста со неговиот специјално дизајниран медицински софтвер кој ги контролира релевантните биохемиски параметри во крвта. Вид на бараниот партнер: Производители (мали и средни претпријатија) на електро-медицински помагала;
Специфична област на активност на партнерот: Производство на електро-медицинска опрема за естетика на лицето и телото, хирургија, физикална медицина и рехабилитација;

Шпанска компанија, специјализирана за комерцијализација на женска облека бара партнери со договор за франшиза. Исто така компанијата бара и модни дистрибутери за претставување на нивните продукти.
Продуктите имаат романтичен стил инспирирани од дамскиот стил во Шпанија и се карактеризира со уникатни и оригинални дизајни, каде што секое парче раскажува приказна, а сите материјали се со врвен квалитет. Тие се 100% шпанско производство,препознатлив стил со личен дизајн и моделирање.

Италијанска компанија произведува венчаници, свечени фустани и одела за најважните настани во животот на луѓето, како што се свадби, крштевки, роденденски забави и за секаква посебна пригода што бара карактеристичен изглед. Компанијата бара договори за дистрибуција за да го промовира целиот каталог во земјата.Со својата колекција, компанијата има за цел да им понуди на невести уникатни стилови на венчаници.Ексклузивно производство од иновативни дизајнери. Висок квалитет на материјал како: чиста свила, шифон, чипка, тул, ткаенини и слично.

Бугарската компанија основана во 2003 година во Пловдив произведува и нуди квалитетни козметички производи за коса и за тело преку формула од сопствената лабораторија од страна на специјалисти со значително искуство во областа на здравството. Серијата за нега на коса вклучува повеќе од 15 производи со различна намена и ефект, поделени во неколку групи – шампони, кондиционер, спрејови, серуми и маски. Во серијата за нега на тело се вклучени дневни и ноќни креми за лице и тело, гелови за туширање, креми против стареење (anti-age), дезодоранси и парфеми.

Италијанска компанија основана во 1975 година специјализирана за производство на мебел (главно за спални) со сопствена фабрика од 2.000м2 има потреба од склучување нови партнерства за ширење на нови пазари. Компанијата веќе има свои соработници и ги извезува своите производи во неколку европски земји како Германија, Австрија и Данска. Договор за производство и дистрибуција се посакуваните типови на соработка. Компании за дизајн и архитектура, ентериер како и трговци на мало се посакуван топ на партнери.

Компанија од Јордан основана во 1997 година, специјализирана за извлекување и дистрибуција на спа елементи од Мртвото Море на јорданската страна, е снабдувач на суровини (соли, кал и саламура) за козметичката индустрија. Компанијата бара партнери преку договор за соработка за истражување за да ги развијат своите производи за нега на кожата од течна форма во форма на гел. Како почетници во R & D, компанијата бара партнери со висококвалификувани истражувачи и обучувачи за пренесување на знаењето за да можат да развијат нов оддел за истражување и компанијата да се натпреварува на меѓународно ниво.

Компанија од Хрватска основана во 2013 година и насочена кон развој на нови технологии применливи во секојдневниот живот бара дистрибутери за еден од своите производи – иновативна климатска кабина што може да се применува во здравствениот и wellness секторот.  Продуктот може да се применува во туристичкиот сектор, но исто така и во спортски клубови, вежбалници, и сл. Се бара дистрибутер кој има развиено дистрибутивна мрежа во туристичкиот и спортскиот сектор како и контакти со wellness и спа комплекси.

Винарија од Португалија, специјализирана во производство на префинетите вина Douro од најголемиот вински регион во земјата почнува со своите интернационални активности и за таа цел бара увезувачи/дистрибутери за промоција и продажба на нивните производи на локалните пазари.
Винарската визба ги нуди следните предности за потенцијалните партнери: – Знаење за производство на вино – Производи со конкурентни цени – Висок капацитет за производство – Одлично сертифицирано грозје поради погодните почвени услови и клима – Квалитетни вина од Douro обележаниот регион, претходно одобрени од Институтот за вино на Port и Douro – Одлични етикети за вино.
Идеалниот партнер треба да биде дистрибутер кој ги има потребните знаења и искуство во секторот на пијалоци, а особено во алкохолните пијалоци. Потенцијалните партнери треба да имаат постоечки врски со малопродажниот сектор, хотели, ресторани и кафулињата каде што овие пијалаци треба да се дистрибуираат. Нивната улога ќе биде да ги претставува, промовира и продава вината на компанијата преку соодветените канали на различните пазари. За возврат партнерот ќе добива тековна поддршка од португалската винарија во однос на обука за производот (вклучувајќи ги и техничките спецификации за секое вино и листа за производи) и маркетинг.

Шведско мало и средно претпријатие бара произведувачи на различни видови на инстант овесни каши ( пример: обична овесна каша, мешана – овес, киноа, вкус на овошје и сл.) Производите треба да содржат високо ниво на протеини (>8-9 %), по можност од растителни протеински извори (соја, ), без шеќери, ниско ниво на природен шеќер (<5 %), целосно вегански, без лактоза и без ГМО. Производот треба да биде достапен во пакување од 250 гр. и во инстант форма, за ладна или загреана конзумација.

Бараниот партнер е произведувач на хранливи производи, особено мелени житарици, кој ќе произведува овесни каши според претнодно напоменатите стандарди. Месечната количина на производство е 10 000 производи со единечна големина од 250 гр.

• Мека галванизирана жица: дијаметар 3.5 – 5 мм
• Цврста галванизирана жица: дијаметар 1.8 – 3 мм
• Потребно месечно количество: 50 – 100 тона